"أم حسين" سيدة رائعة من بلادي

سليمان شعبان... قصة.. حدثت مع قديس في الجيش العربي السوريأم حسين
بعد دوامي نزلت عسوق الخضرة لأشتري حوايج البيت... كنت لابس البدلة العسكرية وبالهندام الكامل.. شفت ست كبيرة بالعمر حاطة قدامها كوسا ونعنع ولوبية..
اسألتها: خالتي قديش الكوسا
قالتلي: ياروح خالتك انا مبيعها ب 150 بس لأنك عسكري رح بيعك ياها ب 100..
انا هون ابتسمت وقلتلها: كتر خيرك ياخالتي....
اخدت الكوسا ومشيت شي خمس امتار وماحسيت غير بحدا عم يقلي: وا يامو... وا يامو... تفضل هي ربطة نعنع خدها ببلاش ابدي حقا... انت عسكري وانا بيجعني قلبي عالعساكر..
التفتت لورا وشفت هالمرة اللي باعتني الكوسا مادة ايدها وفيها ربطة نعنع.... وكلشي حاولت تاخد مصاري ماكانت تاخد...
ام حسين امرأة من ريف الساحل السوري من اجمل الأمهات... مكافحة معاندة للزمن علمت اولادها وعلمتني أن الإنسان يولد من رحم المعاناة وان الشرف والكرامة ربما تجدهما على طرف الشارع بهيئة امرأة عجوز طاعنة في السن تفترش الأرض بضع حبات كوسا...
راودني الفضول لأتعرف عليها واستفسر عنها...
ام حسين طلعت اخت احد اهم الدكاترة الجامعيين في اللاذقية وهي بنت بيئة جبلية ريفية تعودت ان تنبت منها قامات السنديان.... هي من بيئة العمالقة الذين تحدو الطبيعة والقساوة والفقر في الجبال الشحيحة.... هي من بيئة انبتت المقاتل السوري الفقير وبنفس الوقت الغني...
والله يا ام حسين لازم وزراء حكومتنا ياخدو هالشقفة القماش اللي حاطة عليها كوسا ويمسحو ضميرهن فيها بلكي بيحسو بالعسكري شوي....
وتحية كبيرة لأم حسين
الرحمه لارواح الشهداءوالشفاء للجرحى.

December 2018
Su Mo Tu We Th Fr Sa
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5
عدد الزيارات
4881114

Please publish modules in offcanvas position.